У Стаўбцоўскім раёне супрацоўнікі БЭЗ і ДАІ Мінскай вобласці спынілі грузавы аўтамабіль Mercedes-Benz Actros, за рулём якога знаходзіўся 37-гадовы замежнік. Пры аглядзе міліцыянеры выявілі каля 20 т лому каляровых металаў без суправаджальных дакументаў. «Кіроўца растлумачыў, што збіраў каляровы метал на тэрыторыі Кобрына Брэсцкай вобласці, каб затым адвезці для рэалізацыі ў Расію. Груз на суму больш за 35 тыс. бел. руб. канфіскаваны», — расказалі ва УУС.

У дачыненні да мужчыны складзены адміністрацыйны пратакол за парушэнне парадку вывазу з краіны лому і адходаў чорных і каляровых металаў. Яму пагражае буйны штраф і канфіскацыя.