«Пры плане прыёму ў 6,3 тыс. мэтавых месцаў дакументы падалі 9,1 тыс. прэтэндэнтаў. У выніку адбору і конкурсу, які павінен быў адбыцца па кожным заказчыку, і ўвядзення ў білет унутранага ўступнага іспыту практычнай задачы ў якасці мэтавікоў залічана каля 5,6 тыс. чалавек. Гэта значыць, зыходны план выкананы на 90 %», — расказаў Аляксандр Бахановіч.

Сярод папулярных кірункаў для мэтавікоў значыцца інжынерна-тэхнічны профіль (залічана каля 1,3 тыс. чалавек), педагагічны (амаль 1,2 тыс.), аграрны (прыкладна 700) і медыцынскі (больш за 2 тыс.).

Сёлета былі ўдасканаленыя падыходы да прыёму мэтавікоў. «Па-першае, уведзена шыфраванне абітурыентаў пры здачы ўступных іспытаў. Па-другое, кожны заказчык спецыяліста-мэтавіка павінен быў заключыць дагавор з кожным ахвотным да апошняга дня прыёму дакументаў. Па-трэцяе, павінен быў быць забяспечаны конкурс па кожным заказчыку кадраў», — дадаў першы намеснік міністра.