На сайце ведамства з’явілася інфармацыя пра колькасць месцаў для атрымання вышэйшай адукацыі на ўмовах мэтавай падрыхтоўкі. 

Для заключэння дагавора аб мэтавай падрыхтоўцы трэба звярнуцца ў арганізацыі, для якіх зацверджаны месцы. Дадатковую інфармацыю можна атрымаць у прыёмных камісіях ВНУ.

Таксама зацверджаны мэтавыя месцы па педагагічных спецыяльнасцях у каледжах.

«Інтэрактыўная карта для абітурыентаў дапаможа падабраць месца для вучобы і будучай працы, знайсці кантакты арганізацый — заказчыкаў кадраў. Па пытаннях уступнай кампаніі можна звяртацца на гарачыя лініі ВНУ і Міністэрства адукацыі», — праінфармавалі ў прэс-службе.