У Магілёўскім заасадзе ў Буйнічах 17 студзеня пройдуць калядкі. Пра гэта БелТА паведамілі ў Магілёўскім дзяржаўным агралесатэхнічным каледжы імя К.П. Арлоўскага.
Вялікае свята падарыць наведвальнікам заасада шмат яркіх і станоўчых эмоцый. Тут можна будзе пачаставацца смачнай кашай і юшкай прама з вогнішча, паўдзельнічаць у розных народных забавах і тэматычных конкурсах для дзяцей і дарослых. Шмат песень, танцаў і весялосці — арганізатары абяцаюць, што сумна не будзе нікому.
Як расказалі ў каледжы, свята ў заасадзе — гэта зварот да беларускіх традыцый і каранёў, магчымасць правесці час цікава і з карысцю, а яшчэ — пагуляць па тэрыторыі, паглядзець на жывёл і пачаставаць іх.
