Крыты рынак на Камароўцы рэканструююць. Як паведаміў генеральны дырэктар ДП «Мінскі Камароўскі рынак» Мікалай Хмяльніцкі падчас аператыўнай нарады ў Мінгарвыканкаме. На працы спатрэбіцца каля двух гадоў, перадае БелТА.
Адзначаецца, што пры правядзенні рэканструкцыі сам рынак працягне працу і закрывацца не будзе.
Па словах Мікалая Хмяльніцкага, канцэпцыя мадэрнізацыі прадугледжвае стварэнне больш камфортнай і сучаснай прасторы як для пакупнікоў, так і для прадаўцоў. Абновяць амаль усе вітрыны — размова ідзе прыкладна аб 380 адзінках. Таксама пашыраць зоны абслугоўвання, усталююць дадатковае халадзільнае абсталяванне і палепшаць асвятленне. «Дадатковае асвятленне не толькі палепшыць вонкавы выгляд рынка, але і дапаможа ў навігацыі па ім. Плануецца, што работы пачнуцца з шэрагаў, дзе прадаецца мясная прадукцыя», — сказаў Мікалай Хмяльніцкі.
У структуру прадпрыемства ўваходзяць таксама два невялікія рынкі, размешчаныя на поўдні Мінска — Чыжоўскі і Курасоўшчынскі. Мікалая Хмяльніцкага заявіў, што у цяперашні час на Чыжоўскім рынку занятыя каля 83% гандлёвых месцаў, на Курасоўшчынскім — 65%, а на самім Камароўскім — 82%.
Фота з адкрытых крыніц
