Універсітэцкія алімпіяды пройдуць 21, 22 і 28 лютага ў 21 ВНУ краіны. Пераможцы атрымаюць права на залічэнне без уступных выпрабаванняў ва ўніверсітэты, дзе ўдзельнічалі ў Алімпіядах.

Кантроль за правядзеннем заключнага этапу алімпіяд праводзіцца па даручэнні Кіраўніка дзяржавы для стварэння роўных умоў абітурыентам пры паступленні ва ўстановы вышэйшай адукацыі.

«Да ўдзельнікаў і арганізатараў будуць прад’яўляцца тыя ж патрабаванні, як і пры правядзенні ўступных выпрабаванняў у ВНУ і ССНУ — цэнтралізаванага іспыту і цэнтралізаванага тэставання», — сказалі ў КДК.

Камітэтам дзяржкантролю створаны рабочыя групы для забеспячэння кантролю непасрэдна ў рэгіянальных установах вышэйшай адукацыі, дзе праводзяцца ўніверсітэцкія алімпіяды.

Усяго будзе задзейнічана 65 прадстаўнікоў ведамства.