Паслуга персанальнага асістэнта дапамагае людзям з інваліднасцю спраўляцца з паўсядзённымі задачамі, каб яны маглі жыць больш самастойна. У 2025 годзе яе атрымалі амаль 4 тыс. чалавек — на 16% больш у параўнанні з 2024-м. 

Атрымаць паслугу могуць інваліды, якія пражываюць з працаздольнымі сваякамі (да 20 гадзін/месяц), з парушэннем апорна-рухальнага апарату, зроку, інтэлектуальнымі парушэннямі, функцыянальнага класа (ФК) 4 па асноўным захворванні або ФК 2-3 па здольнасці кантраляваць паводзіны. Таксама адзінокія і адзінокапражываючыя інваліды: 40 гадзін/месяц — пры парушэннях апорна-рухальнага апарату або зроку (ФК 4) і 60 гадзін/месяц — пры інтэлектуальных парушэннях (ФК 2-3).

Дапамога ажыццяўляецца ў побыце (гігіена, прыборка, прыгатаванне ежы), па здароўі (суправаджэнне да ўрача, дапамога ў прыёме лекаў), у фінансах (аплата рахункаў, планаванне бюджэту), у сацыялізацыі (дапамога ў зносінах, наведванні мерапрыемстваў) і працаўладкаванні (падтрымка ў пошуку працы).

Каб аформіць паслугу, трэба атрымаць індывідуальную праграму рэабілітацыі, падаць заяву ў ТЦСАН і ўзгадніць графік і аб’ём дапамогі.