У затрыманага было выяўлена звыш кілаграма асабліва небяспечнага псіхатропнага рэчыва мефедрон, а ў схованках-закладках — каля 2 кг амфетаміну. Тысячы смяротных доз наркотыкаў прызначаліся для іншых кур’ераў і спажыўцоў, аднак дзякуючы аператыўным дзеянням супрацоўнікаў міліцыі, яны былі канфіскаваныя з незаконнага абароту.

Затрыманы прызнаўся, што стаў закладчыкам каля месяца таму, пагадзіўшыся на прапанову ананімнага карыстальніка ў сацыяльнай сетцы. У гэты ж перыяд ён пачаў ужываць наркотыкі. Мужчына паўгода не працаваў, жыў з маці, у яе кватэры фасаваў «тавар».