Турыстычны тыдзень аб’яднае ў сабе некалькі мерапрыемстваў, якія ахопліваюць практычна ўсю турыстычную сферу. Яго цэнтральнай падзеяй стане IV Беларуска-Расійскі турыстычны кангрэс. Ён збярэ не толькі тураператараў, але і прадстаўнікоў заканадаўчай і выканаўчай улады, атэльераў, пастаўшчыкоў розных паслуг для турбізнесу. «Больш за 50 сфер эканомікі так ці інакш задзейнічаныя ў турыстычнай індустрыі», — адзначыў Філіп Гулы. Ён дадаў, што на кангрэс збяруцца не толькі прадстаўнікі з Беларусі і Расіі, але таксама з трэціх краін. У рамках кангрэса запланавана работа прафесійных секцый, трэнінгаў, а таксама кантактнай біржы ў фармаце B2B для прадстаўнікоў расійскіх і беларускіх кампаній.

У рамках «Вялікага турыстычнага тыдня» пройдзе таксама форум Travel Hub «Садружнасць». Ён арыентаваны на пытанні пазіцыянавання і прасоўвання турпрадуктаў краін СНД, развіццё міждзяржаўных турысцкіх маршрутаў, удасканаленне інструментарыя вырашэння актуальных праблем галіны турызму і індустрыі гасціннасці на заканадаўчым узроўні. Мэта форуму — павелічэнне турысцкіх патокаў, павышэнне ўзроўню пазнавальнасці і прывабнасці турысцкага і культурнага патэнцыялу краін Садружнасці, стварэнне адзінай прававой прасторы ў сферы турызму ў СНД.

Яшчэ адной пляцоўкай «Вялікага турыстычнага тыдня» стане Міжнародная выстава абсталявання, прадукцыі і паслуг для індустрыі гасціннасці «Expo HORECA Minsk — 2026». На ёй прадставяць тэхналагічнае і гандлёвае абсталяванне, посуд, інвентар, прадукты, сродкі аўтаматызацыі, рашэнні для аснашчэння гатэляў і клінінг, інтэр’ерныя канцэпцыі для рэстаранных і турыстычных аб’ектаў.

Акрамя таго, у рамках Тыдня пройдзе другая гастранамічная прэмія «WHERETOEAT».