Што гэта значыць? Вядучыя фабрыкі краіны атрымаюць падтрымку ў выхадзе на анлайн-пляцоўку. Зараз на Wildberries ужо прадстаўлена 15 прадпрыемстваў канцэрна, а іх тавары — адзенне, абутак, пасцельная бялізна і галантарэя — карыстаюцца стабільным попытам не толькі ў Беларусі, але і ў Арменіі, Казахстане, Грузіі і Узбекістане.

Мэта — перабудаваць бізнес-працэсы пад лічбавую рэальнасць і павялічыць продаж. Як адзначыла кіраўнік «Беллегпрама» Надзея Лазарэвіч, электронныя пляцоўкі даюць магчымасць не толькі заявіць пра сябе, але і заваяваць любоў пакупнікоў дома і за мяжой.

Лічбы кажуць самі за сябе: за 2025 год колькасць беларускіх прадаўцоў на платформе вырасла на 20 %, а іх абароты — у 1,5 раза. Лідарамі продажаў сярод вытворцаў сталі «Галантэя», «Мілавіца», «Віцебскія дываны» і «Стужка».

Нагадаем, Wildberries першым сярод маркетплэйсаў запусціў у Беларусі спецыяльны раздзел «Зроблена ў Беларусі», дзе айчынныя тавары прадстаўлены без пасрэдніцкіх нацэнак.