Аператыўнікі наркакантролю Гомельскай вобласці выйшлі на 30-гадовую жыхарку Чачэрскага раёна. Як аказалася, фігурантка працавала рознічным кур’ерам інтэрнэт-крамы па продажы наркотыкаў. У яе абавязкі ўваходзіла распаўсюджваць дробныя партыі тавару праз закладкі на тэрыторыі вобласці.

У жанчыны выявілі і канфіскавалі амаль 50 г асабліва небяспечнага псіхатропнага рэчыва альфа-PVP. 

Ва УУС дадалі, што злачынная кар’ера нарказакладчыцы доўжылася не больш за тыдзень.

Следчыя распачалі крымінальную справу за незаконны абарот наркотыкаў з мэтай збыту. Затрыманай пагражае да 20 гадоў пазбаўлення волі.