Днём 9 чэрвеня на большай частцы тэрыторыі Беларусі пройдуць кароткачасовыя дажджы. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак удзень чакаецца ўзмацненне паўднёва-заходняга і заходняга ветру з парывамі 15-20 м/с. Таксама прагназуецца пераменная воблачнасць. На большай частцы тэрыторыі краіны пройдуць кароткачасовыя дажджы, месцамі магчымы навальніцы.
Днём тэмпература паветра прагрэецца да 14-20 градусаў, у паўднёва-ўсходніх раёнах — да 21-23 градусаў.
