У Беларусі 15 кастрычніка ў многіх раёнах пройдуць кароткачасовыя дажджы, месцамі ўначы чакаюцца замаразкі да мінус 2 градусаў. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе воблачна з праясненнямі. Месцамі магчымы мокры снег. Ноччу і раніцай у некаторых раёнах прагназуюць слабы туман. Вецер будзе заходні, паўночна-заходні 4—9 м/с.
Тэмпература паветра ўначы складзе плюс 1—6 градусаў, месцамі чакаюцца замаразкі ад нуля да мінус 2 градусаў. Тэмпература паветра днём складзе 5—10 градусаў вышэй за нуль, па захадзе — да плюс 12.
