Як паведамляе Reuters, карціна, завершаная бліжэй да канца жыцця Клода Манэ, была самай папулярнай на таргах: шэсць чалавек на працягу 45 хвілін змагаліся за яе, а двое апошніх працягвалі змагацца яшчэ 20 хвілін.

«У выніку „Касачы“ дасталіся калекцыянеру азіяцкага паходжання, які зрабіў стаўку праз тэлефон», — гаворыцца ў матэрыяле.

Карціна была адной з некалькіх выстаўленых на аўкцыён работ з калекцыі Schlumberger, і чакалася, што яна будзе прададзеная за суму ад 22 да 30 мільёнаў еўра.

Папярэдні французскі рэкорд на аўкцыёне быў устаноўлены ў 2010 годзе — «Галава карыятыды» Амедэа Мадыльяні была прададзеная за 43,2 мільёна еўра.