Звычка гадзінамі сядзець у тэлефоне, апусціўшы галаву, прыводзіць да гарызантальных зморшчын на шыі і страты выразнасці авала твару, папярэдзіла ўрач-касметолаг Лізавета Мінаева, піша «Газета.Ru».

Па словах урача, апроч гэтай звычкі, скуры шкодзіць і шэраг іншых памылак. Спецыяліст адзначыла, што адной з прычын заўчаснага старэння з’яўляецца адмова ад сонцаахоўных сродкаў: ультрафіялет разбурае калаген і эласцін і адказвае за большую частку бачных узроставых змен, таму SPF 30–50 патрэбен кожны дзень, а не толькі на пляжы.

Акрамя таго, касметолаг папярэдзіла, што хуткае пахудзенне на прэпаратах накшталт тырзепатыду і семаглутыду негатыўна адбіваецца на скуры твару: калі вага сыходзіць імкліва, твар губляе тлушчавыя пакеты, якія служаць яму натуральным каркасам, шчокі западаюць, носагубныя складкі паглыбляюцца, а скура не паспявае.

«Да мяне ўсё часцей прыходзяць пацыенткі, якія пахудзелі на 15–20 кілаграмаў за некалькі месяцаў. Фігура стала больш зграбная, а твар — змарнелым і стомленым. Худзець на такіх прэпаратах трэба толькі пад кантролем урача, без рэзкіх тэмпаў, з дастатковай колькасцю бялку і сілавымі трэніроўкамі», — адзначыла спецыяліст.

Яна таксама звярнула ўвагу на захапленне складанымі рытуаламі догляду: кіслоты, рэцінол і скрабы адначасова, ды яшчэ кожны дзень, могуць разбураць ахоўны бар’ер скуры. Сёння ў эстэтыцы цэніцца натуральнасць — невялікія аб’ёмы там, дзе яны сапраўды патрэбныя, падсумавала касметолаг.