Традыцыйна перадача вымпела адбылася на цырымоніі закрыцця святочных мерапрыемстваў. Дзень беларускага пісьменства ў 2026 годзе прыме Магілёўская вобласць.

Старшыня Касцюковіцкага райвыканкама Вячаслаў Максачоў прыняў эстафету, запэўніўшы, што раён не падвядзе. «Так, у Лідзе зададзена высокая планка, але і мы гатовыя зрабіць яркае свята», — сказаў ён.

Навіной праграмы рэспубліканскага свята беларускага пісьменства ў Лідзе стаў прэс-тур. Гэтая пазіцыя пяройдзе і ў Касцюковічы. Якія фішкі дададуць фестывалю ў Магілёўскай вобласці, стане вядома ўжо ў наступным годзе.