Праектам закона, у прыватнасці, прадугледжваецца пашырэнне катэгорый асоб, якія падлягаюць абавязковай дактыласкапічнай рэгістрацыі, удакладненне пераліку звестак, што фіксуюцца пры гэтай рэгістрацыі.

Як растлумачылі ў Пастаяннай камісіі Палаты прадстаўнікоў па нацыянальнай бяспецы, органы пагранічнай службы надзяляюцца паўнамоцтвамі дактыласкапічнай рэгістрацыі замежных грамадзян, якія перасякаюць дзяржаўную граніцу Рэспублікі Беларусь. Так, значна павялічаны пералік замежных грамадзян, якія, перасякаючы граніцу, будуць падвяргацца дактыласкапічнай рэгістрацыі.



Замацоўваецца магчымасць прадастаўлення дактыласкапічнай інфармацыі, атрыманай органамі пагранічнай службы, у Дзяржаўны камітэт судовых экспертыз у аўтаматызаваным рэжыме.
Устанаўліваецца абавязак для юрыдычных асоб і індывідуальных прадпрымальнікаў, якія выконваюць міжнародныя аўтамабільныя перавозкі пасажыраў, бязвыплатна перадаваць персанальныя даныя такіх пасажыраў у Інфармацыйныя сістэмы Міністэрства транспарту і камунікацый.

Акрамя таго, прадугледжана дапаўненне пагранічнага кантролю магчымасцю ажыццяўлення асабістага надгляду грамадзян і надгляду рэчаў, якія знаходзяцца пры іх, у тым ліку з дапамогай тэхнічных і спецыяльных сродкаў. 

Удакладняецца парадак ажыццяўлення іншаземцамі працоўнай і індывідуальнай прадпрымальніцкай дзейнасці, якія пастаянна пражываюць у Беларусі.