Кантралёрам важна, каб суб’екты гандлю выконвалі заканадаўства, адпаведна, каб было менш нараканняў на іх работу з боку спажыўцоў. «Таму шмат увагі з нашага боку ўдзяляецца прафілактыцы: мы высылаем рэкамендацыі, прадпісанні на выпраўленне парушэнняў. Як правіла, яны аператыўна ўсё выпраўляюць і даюць справаздачу нам — мы можам паўторна праверыць, як яны прывялі ўсё ў адпаведнасць», — сказала Таццяна Самохіна.

У адносінах да некаторых суб’ектаў, дзе дапушчаны грубыя парушэнні, пачынаюцца адміністрацыйныя працэсы, і яны прыцягваюцца да штрафаў. Па выніках праверак і маніторынгаў таксама інфармуюцца мясцовыя органы ўлады, каб яны прымалі меры рэагавання.

«Толькі за студзень гэтага года накіравана 60 рэкамендацый па ўстараненні парушэнняў і недахопаў. Вінаватыя асобы ўстанаўліваюцца, з іх боку прымаюцца меры. Кантроль мы ажыццяўляем пастаянна», — звярнула ўвагу Таццяна Самохіна.

Яна паведаміла, што па выніках маніторынгаў і праверак Камітэта дзяржкантролю да дысцыплінарнай і адміністрацыйнай адказнасці ў мінулым годзе прыцягнута амаль 700 вінаватых асоб у сферы гандлю і грамадскага харчавання.