У трэцім матчы гасцявога турнэ падапечныя Яўгена Летава сустракаліся з маскоўскімі «Крыламі Саветаў». Па ходзе паядынку бабруйчане двойчы выходзілі наперад дзякуючы галам Іллі Лахнова і Багдана Папоўскага, але абодва разы гаспадары параўноўвалі лік. Зыход паядынку адважыўся ў серыі пасляматчавых кідкоў, дзе дакладней апынуліся нашы хакеісты — у выніку 3:2.

Гэтая перамога стала для «Дынама-Шынніка» сёмай запар. Прадстаўнік Беларусі ў МХЛ падняўся на чацвёртае месца ў табліцы «залатога» дывізіёна Заходняй канферэнцыі, набраўшы 22 ачкі пасля 14 матчаў. Выязная серыя нашай каманды завершыцца 19 кастрычніка — прымаць бабруйчан будзе пачатковец лігі маскоўскі «Спартак-МАХ».