Пяты матч серыі да чатырох перамог прайшоў у Смаленску. У першым перыядзе каманды абышліся без закінутых шайб, затое ў другой 20-мінутцы паразілі вароты адзін аднаго па два разы. Канец сустрэчы вырашыў адзіны гол у заключнай трэці, аўтарам якога стаў форвард «Металурга» Аляксандр Ціміроў. У выніку 3:2 у матчы і серыі.

«Стальныя ваўкі» прайгралі два стартавыя паядынкі фіналу, затым атрымалі тры перамогі запар і цяпер знаходзяцца за крок ад заваявання пятага Кубка Прэзідэнта ў гісторыі клуба. Наступны матч 24 красавіка прыме Жлобін. У выпадку поспеху «Славуціча» каманды чакае вырашальная сёмая гульня ў нядзелю.