У чацвер уральскі клуб на «Алімпік-Арэне» сустракаўся з «Ладай»: для «Металурга» гэты матч стаў першым на турніры, для тальяцінскай каманды — трэцім. Ужо ў стартавай трэці хакеісты з Магнітагорска правялі тры галявыя атакі, яшчэ тры шайбы ўляцелі ў вароты «Лады» ў астатнія 40 хвілін. Вынік гульні — 6:0, у складзе «Металурга» ўдзел у матчы прыняў беларускі абаронца Даніла Паліўка.

Такім чынам, каманда з Тальяці набрала на Кубку Мінска 3 ачкі: раней «Лада» абыграла «Адмірал» з Уладзівастока (5:1) і саступіла мінскаму «Дынама» па булітах (2:3). 15 жніўня «Зубры» згуляюць з «Металургам», паядынак на «Чыжоўка-Арэне» стартуе ў 19.00. Праграму таварыскага турніру ў беларускай сталіцы завершыць сустрэча «Металурга» і «Адмірала» 17 жніўня.