Адкрываць серыю гульняў на «Мінск-Арэне» «зубры» будуць з тальяцінскай «Ладай». У бягучым сезоне каманды ўжо сустракаліся — 14 верасня на пляцоўцы валжан дынамаўцы ўступілі з лікам 2:4. Гэта перамога да гэтага часу з’яўляецца для «Лады» адзінай, з пяццю ачкамі клуб з Тальяці займае дзясятае месца на Захадзе.

Мінчане размяшчаюцца на радок вышэй, маючы восем балаў. У кожнай з папярэдніх гульняў чэмпіянату рэзультатыўныя дзеянні здзяйсняў ігрок абароны «зуброў» Тай Сміт, які лідзіруе ў спісе бамбардзіраў лігі сярод абаронцаў. Таксама ачко за матч у сярэднім набірае капітан «Дынама» Крыс Цірні. 

«Мы павінны быць галоднымі да перамогі, выйграваць усе адзінаборствы. Калі гуляем дома, трэба браць два ачкі. Сапернік ужо адабраў у нас адну вікторыю, таму мы проста абавязаны адказаць на сваім лёдзе. Упэўнены, што пераможам», — сказаў абаронца сталічнага клуба Дзмітрый Кузьмін.

За ўвесь час выступленняў у КХЛ «зубры» правялі з «Ладай» дзевяць дамашніх матчаў, з якіх выйгралі шэсць. Другая ў цяперашняй рэгулярцы сустрэча каманд з Мінска і Тальяці стартуе ў 19.10.