Супрацьстаяць мінчанам будзе «Тарпеда» з Ніжняга Ноўгарада, за якое выступаюць беларусы Іван Кульбакоў і Андрэй Бялевіч. У пачатку месяца валжане пацярпелі чатыры паражэнні запар, і толькі 12 кастрычніка перапынілі няўдалы адрэзак, адолеўшы на выездзе «Барыс» (5:3). «Зубры» з апошніх чатырох матчаў прайгралі тры, наша каманда з 16 ачкамі займае сёмае месца ў табліцы Захаду. Ніжагародцы дзякуючы ўдаламу старту сезона ідуць у канферэнцыі другімі з 19 баламі.

У бягучым рэгулярным чэмпіянаце КХЛ «Дынама» і «Тарпеда» ўжо сустракаліся на «Мінск-Арэне» — 24 верасня гаспадары лёду дзякуючы хет-трыку Віталя Пінчука атрымалі перамогу з лікам 3:2. У маючым адбыцца матчы сталічнаму клубу не дапаможа абаронца Брэдзі Лайл, які быў унесены ў спіс траўміраваных пасля нядаўняй гульні з «Шанхайскімі драконамі». Стартавае ўкіданне ў паядынку «зуброў» з «аленямі» адбудзецца ў 19.10.