Суперфінал сезона-2024/25 прайшоў у Маскве. У пяці матчах групавога раўнда мінчане атрымалі тры перамогі і пацярпелі дзве няўдачы, заняўшы тым самым трэцяе месца сярод шасці каманд. Так, «зубры» былі мацнейшымі за казанскі «Ак Барс» (6:2), магнітагорскі «Металург» (6:1) і омскі «Авангард» (8:6), а таксама ўступілі чэлябінскаму «Трактару» (4:5) і ўфімскаму «Салавату Юлаеву».

У паўфінале дынамаўцы сышліся з «Ак Барсам», але на гэты раз прайгралі — 2:5. Шайбамі за «бела-блакітных» адзначыліся Вячаслаў Андрушчанка і Віталь Пінчук. Сапернікам сталічнага клуба ў паядынку за бронзу стаў «Трактар», матч завяршыўся паражэннем мінчан з лікам 3:7. Дубль за «Дынама» аформіў Данііл Ліпскі, яшчэ адзін дакладны кідок нанёс Сяргей Кузняцоў.

У рэгулярцы сезона-2024/25, якая праходзіла са снежня па чэрвень, «зубры» адыгралі 72 матчы, набралі 106 ачкоў і размясціліся на трэцім радку ў сваім дывізіёне. Таксама дынамаўцы двойчы станавіліся найлепшай камандай па выніках тура. Усяго ўдзел у першым у гісторыі чэмпіянаце КХЛ у фармаце 3×3 прынялі 8 клубаў, уладальнікам трафея стаў «Салават Юлаеў».