З Чарапаўца мінчане перабраліся ў Маскву, дзе іх рыхтуецца прыняць мясцовае «Дынама». У пачатку 2026 года падапечныя Дзмітрыя Квартальнава правялі ў гасцях чатыры матчы — і ўсе прайгралі. Адзіная перамога была здабыта дома над «Адміралам» 12 студзеня (2:1). Каманда з расійскай сталіцы таксама выйграла толькі адну сустрэчу з апошніх пяці, зараз масквічы з 55 ачкамі ідуць на Захадзе пятымі. У «зуброў» на чатыры балы большая і трэцяя пазіцыя ў канферэнцыі.

Папярэдні раз дынамаўцы гулялі паміж сабой 28 снежня на «Мінск-Арэне», тады мацнейшымі з лікам 5:3 былі беларусы, а за тыдзень да таго «зубры» разграмілі саперніка з вынікам 7:1. Усяго ж пераможная серыя мінчан у супрацьстаянні з масквічамі з улікам мінулага сезона налічвае чатыры матчы. Трэцяе ў бягучым рэгулярным чэмпіянаце дынамаўскае дэрбі стартуе на «ВТБ-Арэне» ў 17:00.