Трэцім сапернікам «зуброў» на родным лёдзе стане чарапавецкая «Поўначсталь». Дамашнюю серыю падапечныя Дзмітрыя Квартальнава пачалі з перамогі над «Барысам» у авертайме (1:0), пасля чаго абгулялі «Тарпеда» (3:2). Усе тры шайбы ў вароты ніжагародцаў закінуў Віталь Пінчук, для якога гэты хет-трык стаў першым у КХЛ. Лідарства ў гонцы лепшых бамбардзіраў лігі захапіў дынамавец Алекс Лімож (шэсць галоў і пяць перадач), чацвёртым у гэтым спісе ідзе Сэм Энас (10 ачкоў).

У табліцы Заходняй канферэнцыі «зубры» займаюць трэцяе месца, «Поўначсталь» замыкае топ-8, адстаючы ўсяго на два балы. У васьмі матчах сезона чарапаўчане атрымалі чатыры перамогі. У мінулай рэгулярцы сапернікі па дывізіёне сустракаліся шэсць разоў, наша каманда была мацнейшай толькі ў двух выпадках. Першы ў чэмпіянаце-25/26 паядынак «Дынама» і «Поўначсталі» стартуе ў «Мінск-Арэне» ў 19.10.