На аб’екце працуюць больш як 500 чалавек. Усе работы вядуцца сіламі беларускіх арганізацый, а ў будаўніцтве і аддзелцы выкарыстоўваюцца матэрыялы, створаныя на айчынных вытворчасцях.

Пасля азнаямленчай экскурсіі па тэрыторыі музея ігракі хакейнай каманды Прэзідэнта на чале з галоўным трэнерам Дзмітрыем Баскавым далучыліся да работы разам з прафесійнымі будаўнікамі і навучэнцамі са студэнцкіх атрадаў.

«Удзел у гэтай працоўнай акцыі — гэта і дапамога ў важнай для краіны справе, і магчымасць унесці свой уклад у захаванне нашай агульнай памяці. Разам з хакеістамі мы хацелі паказаць, наколькі важна стваральная праца дзеля будучыні Беларусі, — адзначыў Баскаў. — Новы музей стане месцам, дзе кожнае пакаленне зможа дакрануцца да ключавых старонак нашай гісторыі, адчуць сувязь часоў. Рады магчымасці паўдзельнічаць у стварэнні прасторы, якая будзе выхоўваць павагу да мінулага і гордасць за сваю краіну. Упэўнены, гэты музей стане кропкай прыцягнення для ўсіх, хто любіць Беларусь і даражыць яе гісторыяй».

Гэты праект — не першы, удзел у якім прыняла каманда Прэзідэнта. Раней па ініцыятыве Дзмітрыя Баскава хакеісты дапамагалі пры будаўніцтве мемарыяльнага комплексу «Хатынь» і Рэспубліканскага цэнтра патрыятычнага выхавання моладзі ў Брэсцкай крэпасці.