Дзеючы віцэ-чэмпіён краіны «Віцебск» дома сустракаўся з бронзавым прызёрам Экстралігі мінулага сезона «Гомелем». Па ходзе паядынку паўднёўцы двойчы вялі ў ліку, але за тры хвіліны да заканчэння трэцяга перыяду гаспадары перавялі гульню ў авертайм. Адтуль высвятленне адносін перацякло ў серыю булітаў, якая расцягнулася на 20 кідкоў. Вырашальнай аказалася спроба форварда «Віцебска» Віктара Туркіна — у выніку 4: 3.

Паралельна ў Магілёве мясцовы клуб прымаў «Металург». На другі перапынак каманды сышлі пры ліку 2:2, роўныя лічбы захоўваліся большую частку заключнай траціны, аднак за 45 секунд да сірэны пачатковец жлобінскага клуба Мікіта Бледнаў прынёс гасцям Вікторыю — 3: 2. 

Гульнявую праграму суботы завершыць матч смаленскага «Славуціча» з аршанскім «Лакаматывам», абодва клубы стартавалі ў розыгрышы Кубка Салея з перамог.