Паводле слоў Сяргея Хаменкі, візіт у Магілёўскую вобласць прысвечаны знаёмству супрацоўнікаў ААН, якія працуюць у Беларусі, з сацыяльна-эканамічнай сітуацыяй і жыццём грамадзян краіны. «Праграма ААН па дасягненню Мэт устойлівага развіцця супадае са шляхам, якім ідзе наша краіна, — адзначыў ён. — Яго можна выказаць у некалькіх словах: дзяржава для народа і ў імя народа. Калі прадстаўнікі Арганізацыі Аб’яднаных Нацый знаёмяцца з нашымі рэаліямі, яны  разумеюць: гэта не проста словы — гэта справы, якія прыняты рашэннем кіраўніка дзяржавы і рэалізуюцца ўрадаў».

Сяргей Хаменка падкрэсліў, што Магілёўская вобласць — адзін з перадавых рэгіёнаў у пытаннях узаемадзеяння з Праграмай развіцця ААН, які актыўна рэалізуе праекты ў сацыяльнай і экалагічнай сферах, эканоміцы. І планамерная работа ў гэтым кірунку прадаўжаецца ў кожным рэгіёне. «Ужо разгледжана стратэгія развіцця Рэспублікі Беларусь да 2040 года. Успомніце словы кіраўніка дзяржавы: мы глядзім за гарызонт і робім усё для таго, каб нашы дзеці і ўнукі жылі ў мірнай і развітой дзяржаве», — сказаў на заканчэнне ён.

У праграму мерапрыемстваў увайшлі наведванне асобных аб’ектаў сацыяльна-эканамічнага, гістарычнага і культурнага значэння вобласці, у тым ліку мемарыяльнага комплексу ў Борках, палацава-паркавага ансамбля ў Жылічах, ААТ «Рассвет імя К. П. Арлоўскага», Кіраўскага раённага цэнтра сацыяльнага абслугоўвання насельніцтва і інш.

Наведванне аб’ектаў і ўдзел у V Магілёўскім рэгіянальным форуме па ўстойлівым развіцці дасць удзельнікам візіту нагляднае ўяўленне аб сацыяльна-эканамічным развіцці Магілёўскай вобласці, рэалізацыі стратэгіі ўстойлівага развіцця рэгіёну на перыяд да 2035 года, а таксама будзе разглядацца як практычная платформа для абмеркавання прыярытэтных напрамкаў устойлівага развіцця вобласці і падтрымкі, што запытваецца мясцовымі ўладамі, патэнцыяльнага ўкладу арганізацый сістэмы ААН у прасоўванне гэтых тэрыторый.