У пятніцу дзяўчаты разыгралі медалі ў тэхнічнай праграме ў дысцыпліне сола, удзел у спаборніцтвах прынялі 12 мацнейшых спартсменак па выніках мінулых этапаў Кубка свету 2025 года. Наша Васіліна Хандошка набрала 248,290 бала і стала ўладальніцай бронзавага медаля. Перамогу ў фінале атрымала кітаянка Сю Хуэянь (258,793).

На папярэдніх этапах розыгрышу Кубка свету па сінхронным плаванні беларуска заваявала чатыры медалі — серабро і бронзу ў Францыі на стыку лютага і сакавіка, а таксама дзве бронзавыя ўзнагароды ў Егіпце ў красавіку. 15 чэрвеня ў фінале турніру ў Кітаі салісткі вызначаць мацнейшых у адвольнай праграме.