У першы дзень спаборніцтваў дзяўчаты разыгралі медалі ў тэхнічнай праграме ў дысцыпліне сола. Хандошка атрымала за сваё выкананне 254,7184 бала, гэты вынік аказаўся лепшым сярод 24 удзельніц. Сярэбраную медалістку Клару Бляер з Германіі Васіліна апярэдзіла на два ачкі, тройку лепшых з адставаннем ад беларускі ў 12 балаў замкнула расіянка Валерыя Пляханава.

Адвольныя праграмы ў Парыжы салісткі пакажуць у нядзелю, 29 сакавіка. На першым этапе ў калумбійскім Медэльіне ў лютым Хандошка ўзяла бронзу і аднойчы стала чацвёртай. У мінулым розыгрышы Кубка свету Васіліна паднімалася на подыум шэсць разоў (1-1-4), таксама беларуска заваявала дзве ўзнагароды на чэмпіянаце свету 2025 года ў Сінгапуры.