Чытанні будуць праходзіць у выглядзе навуковай канферэнцыі, прысвечанай гісторыі кніжнай культуры. Тэматыка канферэнцыі ахопіць шырокі спектр пытанняў па гісторыі кніжнай культуры ад старажытных часоў да сучасных тэндэнцый развіцця, па тэорыі і практыцы кнігазнаўства, бібліятэказнаўства і бібліяграфазнаўства. Праблемнае поле канферэнцыі таксама ўключае такія тэмы, як жанчыны ў гісторыі кніжнай культуры Беларусі, рукапісная кніжнасць Беларусі, сучасныя рэаліі кніжнай культуры і мастацтва кнігі, кніжная спадчына беларускіх пісьменнікаў-юбіляраў і іншыя.

У рамках канферэнцыі запланаваны семінар па праблемах захаванасці і кансервацыі фондаў рэдкіх кніг у царкоўных бібліятэках, а таксама майстар-клас па рэстаўрацыі лістоў дакументаў пачатку ХХ ст.

Мерапрыемствы пачнуцца 16 красавіка ў 10.00 у інфармацыйна-асветніцкім цэнтры бібліятэкі.