У цэнтры ўвагі — аналіз дзеянняў злучэнняў і воінскіх часцей у ходзе адпрацоўкі вучэбна-баявых задач на палігонах і ўчастках мясцовасці, выяўленне напрамкаў для іх далейшага ўдасканалення. У ходзе падвядзення вынікаў дадзена ацэнка ўсім падраздзяленням, якія прыцягваюцца да праверкі.

Атрыманыя вынікі і вопыт будуць пераведзены ў практычную плоскасць і паслужаць асновай для далейшай карэкціроўкі спосабаў падрыхтоўкі да вядзення баявых дзеянняў у інтарэсах абароны Рэспублікі Беларусь.

«У Ваеннай дактрыне выразна пазначана, што Узброеныя Сілы павінны быць здольныя не толькі своечасова перавесціся ў гатоўнасць да адбіцця нападу на Рэспубліку Беларусь, але і выканаць усе задачы, якія стаяць перад намі, у любым з відаў ваенных канфліктаў. Па гэтай прычыне было прынята рашэнне ў ходзе комплекснай праверкі Узброеных Сіл правесці вучэнне з войскамі Заходняга аператыўнага камандавання па абарончай тэматыцы. Яно стала пэўным зрэзам, які дазволіў у комплексе, на прыкладзе аднаго з аб’яднанняў убачыць узровень гатоўнасці нашых Узброеных Сіл да адбіцця агрэсіі, верагоднасць развязвання якой у класічнай форме пакуль захоўваецца на еўрапейскім кантыненце», — звярнуў увагу Віктар Хрэнін.

Паводле яго слоў, важна даць прынцыповую ацэнку дзеянням службовых асоб, усіх звёнаў кіравання, сфармуляваць праблематыку і намеціць шляхі далейшай падрыхтоўкі органаў кіравання і войскаў.