«Мы актыўна сочым за сітуацыяй, якая адбываецца перш за ўсё на спецыяльнай ваеннай аперацыі ва Украіне, — адзначыў Віктар Хрэнін. — І бачым, як імкліва мяняюцца формы і спосабы вядзення баявых дзеянняў. На сённяшні дзень, калі гаварыць мовай лічбаў, ужо больш як 70%, а то і 80% ступені агнявога паражэння занялі беспілотныя лятальныя апараты».

Ён канстатаваў, што атакі беспілотнікаў у сучасным свеце могуць разбурыць эканоміку краіны. «І наш Прэзідэнт падкрэсліваў на форуме па бяспецы, ні адна краіна ў свеце на сённяшні дзень не валодае дасканалай сістэмай проціпаветранай абароны і процідзеяння беспілотнікам. Таму тэма вельмі актуальная», — заявіў кіраўнік беларускага абароннага ведамства.

Паводле яго слоў, Беларусь перш за ўсё вывучае вопыт Расіі. Міністр расказаў, што сёння ў Маскве на выстаўцы ўзбраенняў ён звяртаў пільную ўвагу на нешта новае, што ўяўляе інтарэс для Узброеных Сіл, забеспячэння надзейнай сістэмы проціпаветранай абароны.

Віктар Хрэнін паведаміў, што ў Беларусі будуць удасканальваць сістэмы процідзеяння беспілотным лятальным апаратам. «І на гэтым будуць сканцэнтраваны сур’ёзныя намаганні», — дадаў ён.