«У рамках павышэння эфектыўнасці сродкаў супрацьпаветранай абароны ВПС і войскаў СПА мы за мінулы год атрымалі і ўвялі ў баявы склад знішчальнікі Су-30СМ2. Мы атрымалі комплексы „Тор“, якія добра сябе зарэкамендавалі менавіта ў барацьбе з беспілотнымі лятальнымі апаратамі. Атрымалі новыя верталёты Мі-35, а таксама сродкі радыёлакацыйнага выяўлення — „Сопка“, „Усход“, „Раса-РБ“. Тое, што нам дазваляе бачыць тую абстаноўку, якая мае месца і ўздоўж нашай граніцы і за яе межамі», — сказаў міністр абароны. 

Як паведамлялася, Аляксандр Лукашэнка пры зацвярджэнні рашэнняў на ахову дзяржаўнай граніцы ў 2026 годзе заявіў, што абстаноўка вакол Беларусі спакайней не становіцца. Асабліва ён адзначыў факты залётаў у паветраную прастору краіны беспілотнікаў. «Калі невядома адкуль могуць заляцець на тваю тэрыторыю беспілотнікі. Скажам шчыра, і мы не навучыліся яшчэ на 100 % рэагаваць на гэтыя ўсе залёты і не навучыліся іх на 100 % знішчаць. Не ведаю, ці магчымыя гэтыя 100 %. Але да гэтага трэба нам імкнуцца», — падкрэсліў кіраўнік дзяржавы.