Хрэсны ход пачнецца ў 11:30 каля Святадухаўскага кафедральнага сабора і завершыцца на Мінскім замчышчы.

Шэсце прысвечана памяці святых роўнаапостальных Кірылы і Мяфодзія, стваральнікаў славянскага пісьменства. Святкаванне Дня славянскага пісьменства і культуры нагадвае аб пераемнасці духоўнай і культурнай спадчыны славянскіх народаў, развіцці асветы, культуры і дзяржаўнасці.

У хрэсным ходзе прымуць удзел прадстаўнікі духавенства, грамадскіх арганізацый, устаноў культуры, студэнты і ўсе жадаючыя.

Для ўдзелу ў хрэсным ходзе неабходна прыбыць да Святадухаўскага кафедральнага сабора горада Мінска ў 10:30.