Хто можа атрымаць?

Бясплатнае харчаванне прадастаўляецца:

• вучням 1–4 класаў (акрамя першакласнікаў, якія навучаюцца на базе дзіцячых садкоў);

• вучням 5–11 класаў, якія жывуць і вучацца ў сельскай мясцовасці;

• дзецям з сем’яў, дзе адзін з бацькоў мае інваліднасць I або II групы;

• дзецям з некаторых сем’яў ваеннаслужачых, супрацоўнікаў органаў унутраных спраў і работнікаў, звязаных з ваеннымі кантынгентамі;

• дзецям з асаблівасцямі псіхафізічнага развіцця;

• навучэнцам спецыялізаваных спартыўных класаў;

• дзецям, якія знаходзяцца ў сацыяльна небяспечным становішчы.

Як аформіць?

Законным прадстаўнікам дзіцяці неабходна падаць заяву кіраўніку ўстановы адукацыі і дакументы, якія пацвярджаюць права на бясплатнае харчаванне.

Каб дзіця атрымлівала харчаванне з 1 верасня, заяву і неабходныя дакументы трэба падаць не пазней за 25 жніўня.

Калі дакументы пададзены пазней, ільгота прадастаўляецца з дня прыняцця рашэння школьнай камісіяй.

Колькі чакаць рашэння?

Камісія ўстановы адукацыі павінна прыняць рашэнне аб прадастаўленні бясплатнага харчавання на працягу пяці дзён з дня падачы заявы.

Правілы ўстаноўлены пастановай Савета Міністраў Рэспублікі Беларусь ад 14 кастрычніка 2019 года № 694 «Аб арганізацыі харчавання навучэнцаў».