Загадчык аддзялення камунальнай гігіены Аляксандр Спургяш растлумачыў, што як звычайныя грамадзяне, так і арганізацыі абавязаны падтрымліваць парадак на ўчастках, якія прымыкаюць да іх землеўладання, перадае «Мінская праўда».

Калі гаворка ідзе аб зямлі пад індывідуальнае жыллё, уладальніку неабходна прыбіраць прастору ад мяжы сваёй агароджы да тратуара або да праезнай часткі. З астатніх бакоў у чысціні і парадку трэба трымаць паласу шырынёй 10 метраў. Пры наяўнасці суседняга ўчастка адлегласць да яго мяжы дзеліцца напалову — і кожны гаспадар адказвае за сваю палову.

Пад утрыманнем тэрыторыі маецца на ўвазе санітарная ачыстка, прыборка, збор бытавых адходаў, ачыстка водаадводных канаў, латкоў і кюветаў, а таксама выдаленне смецця з самога ўчастка і з прылеглай паласы. Ёсць патрабаванні і да захоўвання будматэрыялаў падчас работ — яны павінны ляжаць у складзеным выглядзе. Таксама ў абавязкі ўваходзяць азеляненне, догляд за раслінамі, кашэнне газонаў, абразанне і выдаленне сухіх дрэў і кустоў, барацьба з інвазіўным пустазеллем. У належным стане трэба ўтрымліваць і самі будынкі, гаспадарчыя пабудовы, платы і агароджы.

— Неабходна праводзіць перыядычныя рамонтныя работы фасадаў жылых дамоў і гаспадарчых пабудоў. Таксама павінны быць цэлымі, устойлівымі агароджы і платы, а іх адхіленне па вертыкалі не можа перавышаць 10 градусаў. Трэба фарбаваць, мыць і рамантаваць пашкоджаныя канструкцыі, — растлумачыў Аляксандр Спургяш.

Фота «Мінская праўда»