У Мінпрацы прывялі прыклад: «Мама атрымлівае дапамогу па доглядзе дзіцяці-інваліда (да 18 гадоў) і не працуе. Тата працуе, у сям’і ёсць яшчэ дзеці».

Калі мама не можа даглядаць дзіця-інваліда з-за сваёй хваробы, траўмы, родаў або неабходнасці даглядаць другое дзіця ў стацыянары, санаторыі або рэабілітацыйным цэнтры, права на бальнічны па доглядзе дзіцяці-інваліда мае бацька.

Калі ж догляд патрабуецца ў звычайных хатніх умовах (мама проста занятая, але не хварэе і не знаходзіцца ў бальніцы), іншаму члену сям’і можа быць выдадзена толькі даведка аб часовай непрацаздольнасці (як правіла, яна не аплачваецца).

Дапамогу па доглядзе дзіцяці-інваліда мама атрымлівае штомесячна. «На час, калі догляд фактычна выконвае тата (па бальнічным), выплата дапамогі маме не перапыняецца — гэта прадугледжана законам. Гэта значыць сям’я не страчвае ў грашах», — падкрэслілі ў Мінпрацы.