Замацоўваецца, што такім правам валодаюць толькі рыэлтары. Інстытут агента па аперацыях з нерухомасцю ліквідуецца.

Пры гэтым закон змяшчае нормы, якія дазваляюць агентам і далей весці дзейнасць у сферы нерухомасці, калі яны перайдуць у статус рыэлтара. Для гэтага агентам трэба будзе здаць атэстацыйны іспыт і атрымаць пасведчанне аб атэстацыі.

Адмяняецца патрабаванне аб наяўнасці ў прэтэндэнта на атрыманне пасведчання аб атэстацыі рыэлтара профільнай адукацыі, што дасць магчымасць атрымаць доступ да прафесіі больш шырокаму колу людзей.

Па нормах закона рыэлтарам зможа стаць чалавек з любой вышэйшай адукацыяй. У той жа час, паколькі аказанне рыэлтарскіх паслуг патрабуе адпаведных ведаў, захоўваецца патрабаванне да праходжання прэтэндэнтам навучання ў сферы нерухомасці.

Атрымаць пасведчанне аб атэстацыі рыэлтара могуць асобы, якія маюць сярэднюю спецыяльную адукацыю, стаж працы не менш за тры гады агентам па аперацыях з нерухомасцю і якія працуюць у рыэлтарскай арганізацыі на дату афіцыйнага апублікавання закона.

Для павышэння персанальнай адказнасці рыэлтараў за якасць выкананай работы закон прадугледжвае абавязак праходжання імі атэстацыі для пацверджання сваёй кваліфікацыі.

Новаўвядзеннем з’яўляецца ўвядзенне органа самакіравання рыэлтараў — Палаты рыэлтараў. Гэтая структура заклікана стаць кансалідуючай. Яе функцыі:

• метадычнае кіраўніцтва дзейнасцю рыэлтараў; 
• распрацоўка і рэалізацыя праграм развіцця дзейнасці рыэлтараў; 
• арганізацыя павышэння кваліфікацыі рыэлтараў; 
• прыняцце мер па выкананні рыэлтарамі заканадаўства.

У цэлым нормы закона накіраваны на комплекснае рэгуляванне гэтай сферы, яе далейшае развіццё, вырашэнне існуючых у сферы рыэлтарскай дзейнасці праблем, устанаўленне дадатковых механізмаў і інструментаў, якія забяспечваюць належную якасць аказання рыэлтарскіх паслуг.

Асноўныя палажэнні закона ўступяць у сілу з 16 мая 2026 года. Нормы, якія датычацца патрабаванняў да асоб, якія прэтэндуюць на атрыманне пасведчання аб атэстацыі рыэлтара, — з 16 чэрвеня бягучага года.