Дэлегацыі Расиі і Украіны ў Стамбуле ў пятніцу, 16 мая, дасягнулі прынцыповага пагаднення аб новым раўндзе перагавораў. Пра гэта заявіў кіраўнік МЗС Турцыі Хакан Фідан, паведамляе РИА Новости.
«Сёння важны дзень для дасягнення міру. Дзякуючы інтэнсіўным дыпламатычным намаганням дэлегацыі Расіі і Украіны правялі пры пасярэдніцтве Турцыі сустрэчу ў Стамбуле», — дадаў Фідан.«Бакі дасягнулі прынцыповага пагаднення аб новай сустрэчы», — паведаміў міністр у сацыяльнай сетцы X.
Ён таксама адзначыў, што Турцыя працягне прыкладаць разнастайныя намаганні для дасягнення ўстойлівага міру паміж Расіяй і Украінай.
Раней у гэты дзень у працоўным офісе прэзідэнта Турцыі, палацы Далмабахчэ, прайшлі першыя з 2022 года прамыя перагаворы Расіі і Украіны. Сустрэча доўжылася менш за дзве гадзіны. Расійскую дэлегацыю ўзначаліў памочнік прэзідэнта РФ Уладзімір Мядзінскі, украінскую — кіраўнік Мінабароны Рустэм Умераў. Да гэтага прайшла трохбаковая сустрэча Турцыі, ЗША і Украіны, а таксама кантакт Мядзінскага з амерыканскім бокам.
