«Мы абмеркавалі ход выканання даручэнняў Прэзідэнта Беларусі, якія былі дадзены па выніках нашага візіту двухгадовай даўнасці. Зроблена вельмі шмат. Мы бачым, як рэальна павышаецца і тавараабарот, рэальна паляпшаецца і сэрвіснае абслугоўванне беларускай тэхнікі, якая працуе на якуцкіх прадпрыемствах, ёсць зрухі ў галіне пашырэння сувязяў паміж бізнес-супольнасцю», — адзначыў Айсен Нікалаеў.

«Асабліва мы адзначылі супрацоўніцтва ў інавацыйнай сферы і сферы гуманітарных, культурных сувязяў. Учора падпісана пагадненне паміж «Беларусьфільмам» і «Сахафільмам» аб стварэнні сумеснага поўнаметражнага фільма, які, мы спадзяёмся, выйдзе на вялікія экраны ў 2028 годзе», — сказаў кіраўнік Якуціі.

Айсен Нікалаеў выказаў надзею, што сённяшняя сустрэча з Дзмітрыем Крутым паспрыяе яшчэ большаму ўмацаванню супрацоўніцтва Рэспублікі Саха з Беларуссю.