Кіраўнікі 29 дзяржаў і ўрадаў будуць прысутнічаць на парадзе Перамогі ў Маскве, паведамілі БелТА ў прэс-службе Крамля.

«9 мая лідары замежных дзяржаў наведаюць ваенны парад, пасля якога адбудзецца сумеснае ўскладанне вянкоў да Магілы Невядомага Салдата ў Аляксандраўскім садзе. Потым пройдзе прыём у Крамлі ад імя Прэзідэнта Расіі. Парад Перамогі наведаюць 29 кіраўнікоў дзяржаў і ўрадаў. Па Краснай плошчы пройдуць парадныя разлікі з 13 краін», — расказалі ў крамлёўскай прэс-службе.

На парад таксама запрошаны кіраўнікі ўсіх акрэдытаваных у Расійскай Федэрацыі дыппрадстаўніцтваў замежных дзяржаў (больш за 150), кіраўнікі пастаянных органаў і прадстаўніцтваў шэрага міжнародных арганізацый, у тым ліку СНД, Саюзнай дзяржавы, АДКБ, Еўразійскага эканамічнага саюза і Шанхайскай арганізацыі супрацоўніцтва, а таксама кіраўнікі абаронных ведамстваў з 34 краін.

Плануецца прысутнасць на парадзе ветэранаў з шэрага замежных краін. Урачыстае мерапрыемства таксама наведаюць замежныя грамадскія дзеячы. У прыватнасці, чакаецца прыезд П’ера дэ Голя (унук Шарля дэ Голя), вядомага французскага бізнесмена Жыля Рэмі, першага чэхаславацкага касманаўта Уладзіміра Рэмека