Устаноўлена, што летась у пяці арганізацыях аграпрамысловага комплексу з-за захворванняў органаў стрававання загінула 18 жывёл. Прычынамі непрадукцыйнага выбыцця маладняку стала невыкананне ўмоў іх утрымання і тэхналогіі кармлення.

Нягледзячы на факты неналежнага выканання абавязкаў адказнымі работнікамі, меры па спагнанні прычыненага падзяжом жывёлы ўрону ў арганізацыях не прымаліся.

Як вынік — пракурор Глускага раёна вынес на адрас кіраўнікоў гаспадарак прадпісанні, у якіх запатрабаваў спагнаць з вінаватых асоб прычынены ўрон на агульную суму звыш Br4 тыс.

Акты нагляду выкананы ў поўным аб’ёме. Прычынены сельскагаспадарчым арганізацыям урон пакрыты дырэктарамі, заатэхнікамі, ветэрынарнымі ўрачамі, загадчыкамі фермаў і жывёлаводамі.