«Кіраўнікі знешнепалітычных ведамстваў абмяняюцца думкамі па актуальных міжнародных і рэгіянальных тэмах, абмяркуюць прыярытэтныя напрамкі работы ў фармаце Садружнасці, у тым ліку ў кантэксце 35-годдзя СНД, якое адзначаецца ў гэтым годзе. Па выніках сустрэчы чакаецца прыняцце шэрага рашэнняў, накіраваных на павышэнне знешнепалітычнай каардынацыі, пашырэнне ўзаемадзеяння ў праваахоўнай і культурна-гуманітарнай сферах», — сказала Марыя Захарава. 

Паводле яе слоў, мяркуецца, што міністры разгледзяць пытанне аб наданні статусу базавых арганізацый дзяржаў — удзельніц СНД дзвюм расійскім адукацыйным установам. Будуць падведзены вынікі выканання ў 2025 годзе плана шматузроўневых кансультацый паміж міністэрствамі замежных спраў у рамках СНД і праграмы дзеянняў па актывізацыі партнёрства паміж знешнепалітычнымі ведамствамі дзяржаў — удзельніц Садружнасці.

«Большасць з адобраных дакументаў будзе перададзена на далейшае зацвярджэнне кіраўнікамі дзяржаў і ўрадаў СНД», — дадала афіцыйны прадстаўнік МЗС РФ.