«Кіраванне Армузскім пралівам ніколі не вернецца да таго становішча, у якім яно было да ваеннага канфлікту. Вядома, міжнародныя правілы будуць выконвацца, але Іран будзе кіраваць Армузскім пралівам», — сказаў Галібаф.

Іран і ЗША ў ноч на 18 чэрвеня дыстанцыйна падпісалі мемарандум, які дапускае завяршэнне ваеннага канфлікту, што пачаўся 28 лютага. Мемарандум таксама вызначае тэрміны, калі ЗША здымуць марскую блакаду, а Іран адновіць суднаходства ў Армузскім праліве.

21 чэрвеня ў швейцарскім Бюргенштоку прайшлі перагаворы ЗША і Ірана пры пасрэдніцтве Катара і Пакістана па рэалізацыі мемарандума. Па выніках чатырохбаковых кансультацый былі сфарміраваны рабочыя групы па пытаннях адмены санкцый, ядзернага ўрэгулявання, аднаўлення і эканамічнага развіцця, а таксама па кантролі за ажыццяўленнем мемарандума.