Аварыя здарылася сёння каля 13.00 на пр.Незалежнасці паблізу дома № 54. 56-гадовы кіроўца за рулём BMW выехаў на сустрэчную паласу і здзейсніў лабавое сутыкненне з аўтамабілем BYD. Паводле папярэдняй інфармацыі, мужчына заснуў за рулём.

У выніку ДТЗ ніхто не пацярпеў. Машыны атрымалі механічныя пашкоджанні. На месцы здарэння працуюць супрацоўнікі аддзела ДАІ. 

Дзяржаўтаінспектары нагадалі: кіраваць транспартам у хваравітым або стомленым стане, які ставіць пад пагрозу бяспеку дарожнага руху, забаронена. «Калі кіроўца адчуў пагаршэнне самаадчування, неабходна спыніцца ў бяспечным месцы і адпачыць», — падкрэслілі ва УДАІ.