Пазней млекакормячае было заўважана каля ўзбярэжжа. Як заявілі ратавальнікі, цяпер кіт рухаецца ўздоўж берага ў бок Даніі, яго суправаджаюць шэсць караблёў берагавой аховы.

Каардынатар выратавальнай аперацыі паведаміў Bild, што з-за ветру ноччу ўзровень вады ў бухце падняўся прыкладна на паўметра, гэта і дапамагло кіту самастойнай сплысці з мелкаводдзя.

Марскі біёлаг Роберт Марк Леман, які назіраў за млекакормячым, заявіў, што яго стан застаецца цяжкім. «Кіт не ў лепшым стане. Скура выглядае дрэнна, ён слабы, даўно не еў, — заявіў Леман. — Можа, мы знойдзем яго зноў, а можа, больш ніколі не ўбачым».

Аперацыя па выратаванні кіта працягвалася не адзін дзень. Ён быў знойдзены на пясчанай водмелі яшчэ 23 сакавіка. Першая выратавальная аперацыя 24 сакавіка скончылася няўдачай. 26 сакавіка ратавальнікі пачалі капаць канал, каб даць магчымасць кіту вярнуцца ў мора. Да вечара кіт ужо прасунуўся прыкладна на 40 м да адкрытага мора. Аднак з надыходам цемры работы былі прыпыненыя. Планавалася, што яны будуць працягнутыя раніцай 27 сакавіка.