У мінулым годзе сукупны аб’ём продажаў аўтамабіляў японскіх вытворцаў знізіўся да прыкладна 25 млн адзінак. Кітайскія аўтавытворцы прадалі ў мінулым годзе па ўсім свеце каля 27 млн аўтамабіляў, упершыню абагнаўшы Японію і выйшаўшы на першае месца ў свеце. Японія, упершыню з 2000 года, страціла лідарства, перадае «Жэньмінь жыбаа» анлайн».
Да такой высновы японскае выданне «Ніхан кэйдзай сімбун» прыйшло на аснове дадзеных, апублікаваных аўтавытворцамі, а таксама статыстыкі глабальнай аўтамабільнай інфармацыйнай платформы MarkLines. Паводле гэтых дадзеных, у 2025 годзе аб’ёмы продажаў кампаніі BYD перасягнулі паказчыкі Ford, дазволіўшы BYD заняць шостае месца ў свеце. Кампанія Geely, абагнаўшы Honda, паднялася на восьмы радок.
У сегменце электрамабіляў BYD абыйшла амерыканскую Tesla, стаўшы сусветным лідарам. У топ-20 найбуйнейшых аўтавытворцаў па аб’ёме продажаў прадстаўлены шэсць кітайскіх кампаній, тады як японскіх — пяць. Сярод кітайскіх брэндаў, якія нарошчваюць аб’ёмы паставак, лідзіруюць такія гіганты, як Chery, BYD, Geely і Changan. Яны актыўна захопліваюць рынкі Азіі, Блізкага Усходу, Лацінскай Амерыкі і Еўропы.
Тан Цзінь, старшы аналітык японскага падраздзялення Банка Мідзуха і эксперт па аўтамабільнай прамысловасці, адзначыў, што перавага кітайскіх аўтавытворцаў па агульным аб’ёме продажаў — гэта не проста змена пазіцый у рэйтынгу, а знак пачатку перабудовы глабальнага аўтамабільнага ландшафту. Імклівае развіццё кітайскай аўтамабільнай галіны стала магчымым дзякуючы сукупнай канкурэнтаздольнасці: перадавым тэхналогіям, перавагам у выдатках і высокай хуткасці распрацовак.
