Кітай гатовы разам з усімі краінамі БРІКС прытрымлівацца духу адкрытасці, інклюзіўнасці і ўзаемавыгаднага супрацоўніцтва і садзейнічаць высакаякаснаму развіццю кааперацыі ў рамках «вялікага БРІКС». Аб гэтым заявіў афіцыйны прадстаўнік МЗС КНР Го Цзякунь, перадае «Сіньхуа».
Го Цзякунь зрабіў адпаведную заяву на брыфінгу для журналістаў у адказ на просьбу пракаментаваць навіну аб тым, што Бразілія як старшыня БРІКС у 2025 годзе аб’явіла аб прыняцці ў аб’яднанне Інданезіі ў якасці паўнапраўнага члена. «Кітай горача вітае новага члена сям’і БРІКС», — падкрэсліў афіцыйны прадстаўнік.
Як адзначыў кітайскі дыпламат, механізм супрацоўніцтва БРІКС узнік на фоне калектыўнага ўздыму краін, якія сталі на шлях развіцця, і краін з рынкавай эканомікай, якая фарміруецца. Паводле яго слоў, гэта адпавядала чаканням міжнароднай супольнасці, звязаным з абаронай міру ва ўсім свеце, агульным развіццём і паляпшэннем глабальнага кіравання.
«БРІКС стаў важнай платформай умацавання згуртаванасці і супрацоўніцтва паміж краінамі Глабальнага Поўдня, а таксама важнай сілай, якая садзейнічае рэфармаванню сістэмы глабальнага кіравання», — адзначыў Го Цзякунь, дадаўшы, што будучыня адкрывае вялікія перспектывы для супрацоўніцтва ў рамках «вялікага БРІКС».
